Ahsas

احساس

فیس  بک  پر  لکھا  ہوا  پڑھا  کہ

                            گرمی کے ان دنوں میں پرندوں کابھی خیال رکھیں اپنے گھروں کے اوپر سائے 

میں کسی برتن میں پانی ڈال کر رکھیں

میں  نے بھی  ایسا  ہی  کیا  لیکن  جب  رات  کو  میں  نیوز  سننے  بیٹھا  تو  یہ  نیوز  سن  کر  میں  کچھ  سوچتا ہی  رہ  گیا   کہ

  آج  کراچی  میں  گرمی  کی  وجہ  سے  ہلاکتوں  کی  تعداد  ۸۰۰  سے  تجاوز  کر گئی ہے

  

کیا  ہمیں  صرف  پرندوں  کے  حد  تک  ہی  احساس  کرنا  ہے  یہ  اتنے  بےگناہ  انسان  جو کراچی  میں  لقمہ اجل  بنے  ان  کا  کوئی  احساس  نہیں

باخدا  میں  ہرگز  یہ نہیں  کہتا  کہ  پرندوں  کا  خیال  نہیں  رکھنا چاہیئے  یا  پھر  صرف  انسانوں  کا  رکھنا چاہیئے  بلکہ  میں  تو  یہ  کہتا  ہوں  کہ  ہمیں  خدا  کی  بنائی  ہوئی  ہر  مخلوق  کا  احساس  کرنا  چاہیئے  پھر  خواہ  وہ  انسان  ہوں  یا  پرندے۔ کراچی  میں  ہونے  والے  اس  واقعہ  کی  اچھی  خاصی  ذمہ دار حکومت  ہے۔ اگر  حکومت  کی  جانب  سے  اس  شدید  گرمی  میں  بجلی  کی  لوڈشیڈنگ  کو  کنٹرول  کر لیا  جا تا  تو شاید  یہ  واقعہ  رونما       نہ  ہوتا۔  لیکن  یہاں  تو  حکومتی  نمائندے  نے  ایک  منٹ  میں  یہ  کہہ  کر  حکومت  کو  دودھ  کا  دھلا  بنا  دیا   کہ

کراچی میں ہونے والی ہلاکتوں کا حکومت سے کوئی تعلق نہیں

اسکے بعد مجھے حضرت عمرؓ   کا یہ قول یاد آگیا کہ

اگر دریائے دجلہ کے کنارے کوئی کتا بھی بھوک پیاس سے مر جائے تو اس کی موت کا ذمہ میرے گلے ہو گا

تو کراچی میں ہونے والی اموات کا ذمہ دار کون۔۔۔؟

سوال   تو         یہ  پیدا   ہوتا  ہے  کہ  کیا  آئنداہ  بھی  یہ  سب  ہوتا  رہے  گا

جی ہاں!  یہ  ہوتا  رہے  گا  اگر  ہم  نے  جلداز جلد  بجلی  کے  بحران  پر  قابو  نہ  پایا  تو 
یہ  ہوتا  رہے  گا  آج  کراچی  تو  کل  کہیں  اور۔۔۔